Arnþór Jónsson

14.10.2009 | 08:30

Shanghai - myndir

Var að skella inn myndum frá fyrri helmingi ferðalagsins, þ.e. dvölinni í Shanghai. Addó var búinn að skrifa inn flest allt sem við gerðum þar, þannig að ég er ekkert að endurtaka það. Wink

Hann gleymdi samt að minnast á það að við fórum á japanskan veitingastað þar sem við fórum í svona "all you can eat" dæmi... og því urðum við auðvitað að nýta tækifærið og panta allskonar skrítinn mat, t.d. kolkrabba og ál. Shocking

Við fórum svo tvisvar á skemmtistað sem heitir Zapatas en fyrra kvöldið þar var alveg með ólíkindum hversu slæmir dansarar voru á dansgólfinu. Það var alveg ljótudansakvöld það skiptið... Við skemmtum okkur stórvel við að horfa á tilburðina - veit að maður á ekki að hlægja að öðrum þannig að við reyndum að fara leynt með það. Blush Við ákváðum svo að taka bara sama pakka kvöldið eftir og flippuðum út við að reyna að vera sem hallærislegust. Það var bara gaman. Tounge

Það er alveg óhætt að segja að Shanghai er STÓRBORG. Rosa flottar byggingar, mikil ljósashow og bara svaka mikið af matar- og skemmtistöðum. Cool

Set svo inn myndirnar frá seinni hluta ferðarinnar síðar í vikunni. Við tókum svo mikið af myndum að það er margra tíma verk að fara í gegnum þetta og setja í tímaröð. Whistling

Biðjum að heilsa í bili... og já, það eru bara 3 vikur þangað til ég kem heim. Hvað gerðist eiginlega? Woundering

Flokkur: Bloggar | Facebook

Athugasemdir

Gott að vita að allt er í sómanum hjá ykkur. Það var verið að tala um fellibyl við eyjuna Hainan við suðurströnd Kína, eruð þið ekki á vesturströndinni?

Já, tíminn líður alltaf svo hratt þegar síst skildi. Þú verður komin heim áður en þú veist af. Kv, mamma.

Jóhanna Gunnarsdóttir (IP-tala skráð) 14.10.2009 kl. 11:40

Æææ, þetta var aulalegt hjá mér. Auðvitað er það austurströndin sem þið eruð á. Það kom í ljós að hér er til bók um Kína og meir að segja sagt frá Quingdao.

Jóhanna Gunnarsdóttir (IP-tala skráð) 14.10.2009 kl. 13:16

Ég skal segja þér hvað gerðist. Það er bara búið að vera svona hrikalega skemmtilegt hjá ykkur! A.m.k. er nógu skemmtilegt bara að fylgjast með úr fjarska.....

Björg (IP-tala skráð) 14.10.2009 kl. 16:29