Arnþór Jónsson

17.9.2009 | 12:04

Saumamarkaðurinn

Addó var frekar slappur í dag og fékk að sofa út og sleppa skólanum. Honum leið nú eitthvað betur eftir það og við ákváðum að skella okkur á saumamarkaðinn ásamt öllum íslenska hópnum. Við fórum samt fyrst á KFC þar sem við sáum þessa svaka fínu konu, uppáklædda í það sem okkur fannst vera brúðarkjóll. Veit ekki alveg hvað málið er með það. Svo var stelpa þar að borða með henni, sem var alltaf að taka myndir af konunni og lítilli stelpu sem var þarna líka. Datt í hug að þetta væri myndataka fyrir jólakortin í ár... rosa gaman að senda myndir af sér í brúðarkjól að borða kjúklingaborgara á KFC Tounge

Við fórum svo á saumamarkaðinn en þar virðist vera hægt að láta sauma á sig hvað sem er. Maður labbar bara á milli saumakvenna og segir þeim hvað maður vill. Svo eru þær með nokkur sýnishorn hjá sér sem er hægt að nota sem einhvers konar grunn. Maður lætur bara breyta og bæta eftir því sem maður vill. Setti nokkrar myndir inn á myndasíðuna frá deginum í dag. Endilega kommentið sem mest við myndirnar og segið mér hvernig kjóla og kápur ég á að láta sauma á mig hehe LoL Tek fram að sumt á myndunum er ekkert sérstaklega fallegt en það má alltaf breyta öllu Wink

Við röltum svo aðeins um útimarkaðinn þarna í gamla bænum og enduðum daginn á fake KFC hehe... þetta var alveg mjög svipað og KFC en miklu ódýrara - greinilega verið að herma eftir KFC. Starfsmennirnir þar voru mjög áhugasamir um okkur og einn strákurinn kom og spjallaði aðeins við Addó meðan við vorum að borða og spurði hann um enska boltann. Strákurinn var búinn að skrifa "Raul" á miða, en það er víst uppáhaldsleikmaðurinn hans hehe... Ég lærði því í dag að Raul er leikmaður Real Madrid. Cool

Við ætlum svo að taka því rólega í kvöld þar sem Addó er enn eitthvað slappur og verður að vera búinn að ná sér fyrir helgina hehe... W00t

Flokkur: Bloggar | Facebook

Athugasemdir

Ætli Addó sé nokkuð kominn með svínaflensuna? Það er víst alveg bókað að ef maður er ekki með um og yfir 39°hita þá er maður ekki með svínaflensuna. Þetta tip er í boði samstarfskvenna minna, það var bara verið að ræða þetta í hádeginu.

Marta (IP-tala skráð) 17.9.2009 kl. 12:27

Hann er í mesta lagi með nokkrar kommur og er alls ekkert eitthvað fárveikur ... Hef engar áhyggjur af því að þetta sé svínaflensan hehe

Addó og Alda, 17.9.2009 kl. 12:44

ég sendi ykkur hér með rafrænar ráðleggingar Lýðheilsustöðvar um mataræði og næringarefni þar sem ég hef lesið KFC oftar en ég get talið í blogginu ykkar :)

http://www.lydheilsustod.is/media/manneldi/utgefid//mataraedi-lowres.pdf

Kærar kveðjur frá Íslandi Elva G. og Co

Elva Gísladóttir (IP-tala skráð) 17.9.2009 kl. 15:22