Þrifdagurinn

Well  þá er búið að þrífa vistarherbergið og allt orðið fínt hjá okkur...  við kláruðum að skúra í gærkvöldið eftir að hafa tekið hvern krók og kima með tannburstanum, baðherbergið var skrúbbað í hólf og gólf og spúlað, skápar, hillur og skúffur teknar í nefið nema myglan sem var undir skrifborði ógeðsmannsins sem hafði greinilega búið í þessu herbergi á undan okkur var ekki til þess fallin.  Veggurinn í kringum rúmið hjá honum var svartur af skít en veit ekki alveg hvernig hann hefur farið að því að koma allri þessari drullu þangað því það mátti vel gróðursetja pottablómi þarna beint á vegginn bara.  En það var nú allt málað eins og áður hefur komið fram held ég og alda setur svo myndir af þessu hérna við tækifæri.  Ég vorkenni bara þeim sem hefur þurft að búa með þessum ógeðsmanni þarna og vona hans vegna að það hafi ekki verið langur tími. Það mátti vel sjá hvar þessi maður hafði stigið niður fæti, komið við veggi og setið við skrifborð. Það fundust s.s. myglublettir undir skrifborðinu sem ég veit ekki hvaðan komu og rétt hægt að ímynda sér hvað hann var að gera þarna undir borði...  en ég fékk s.s að þrífa það ásamt baðherbergi og skúringum... án þess að gera lítið úr öðrum verkum sem áttu sér stað þarna í gærdag.  Það er líka búið að finna út hvernig þvottavélin virkar og var það enginn annar en Snorri sonur sem kom þeim í gang í gærkveldið og fengum svo kínverskukennarann okkar til að fara yfir allar stillingar með okkur í morgun, þar sem þær eru allar á kínversku og ég ekki búinn að taka kínverskar þvottavélar 101 ennþá.

 

Eftir skóla hjá mér í dag var farið í ísskápaleiðangur um alla Qingdao: Wall-Mart, Cyber City og eitthvað fleira þar til gripurinn fannst hérna rétt hjá skólanum á fínu verði.  Það voru þarna um 10 starfsmenn að hjálpa okkur við þessi kaup og allt að verða vitlaust í búðinni þegar við sögðumst ætla að fá tvö stykki, Ása og Helga dóttir hennar nágrannar okkar hérna á vistinni voru líka að versla svona græju með okkur.  Þetta hafðist svo allt og við brunuðum heim að smella þessu í samband og koma okkur í sturtu og betri gallann þar sem Davíð Örn sem er fjármálastjóri Eimskip bauð hópnum í glæsilegan dinner í kvöld og þökkum við enn og aftur fyrir það J  verð að hætta þar sem verið er að loka netkaffinu og henda mér út... meira síðar

Athugasemdir

[Jóhanna Gunnarsdóttir (IP-tala skráð) 7.9.2009 kl. 15:41]

Það er ótrúlegt hvað fólk hefur misjafnan skítastuðul, en lýsingarnar frá ykkur hafa nú slegið öll met sem ég hef heyrt um.  Efast ekki um að þetta sé orðið mjög svo boðlegt núna.  En Addó, við viljum fá gula broskalla, þeir eru svo miklu flottari

Kv, mamma.

[Eva (kærasta Snolla litla) (IP-tala skráð) 7.9.2009 kl. 18:45]

Gaman að sjá að þið passið vel uppá Snolla minn fyrir mig :D Hann er rosalega þvottavéla-sinnaður, betri í þeim málum en ég ;) Hlakka til að sjá myndir af ósköpunum :D. Hafið það gott.

 Eva

[Smári (IP-tala skráð) 7.9.2009 kl. 21:49]

Maður segir SMÚLA en ekki spúla!  Vildi bara hafa það á hreinu.

Hef samt nokkrar spurningar sem gott væri að fá svör við:

• Var tannburstinn notaður við reglubundin (tann)þrif seinna um kvöldið?
• Hvað var það sem þú ímyndaðir þér að "ógeðsmaðurinn" hafi verið að bauka undir skrifborðinu?
• Eruð þið virkilega í Kína? (nöfn eins og Carrefour, Wall-Mart og Cyber City hafa borið á góma) Hef lúmskan grun um að þið séuð ennþá í Sólheimunum að þrífa íbúðina hans Addó.
• Er þessi setning "Alda setur svo inn myndir af þessu síðar" eins konar markaðstrikk til að halda upp innlitum á síðuna?

Vænti svara hið fyrsta og farið varlega í að sterilisera íbúðina.

[Marta (IP-tala skráð) 7.9.2009 kl. 22:38]

Híhíhí, tek undir þetta allt með Smáranum mínum. 

[Alda (IP-tala skráð) 8.9.2009 kl. 03:07]

hehehe myndirnar eru á leiðinni!!!! Er loksins komin með netið hingað og því fer ferðunum á netkaffið að fækka

Mamma, þegar maður skrifar bloggið í Word og færir það svo yfir á bloggið, þá koma engir broskallar.

Eva, við pössum vel upp á hann. Addó vekur hann á morgnana til að mæta í skólann og við látum hann líka borða nóg... já og drekka. Hann passar reyndar upp á það sjálfur hehe... Annars er næst á dagskrá að koma öllum hópnum í ræktina

Smári (og Marta), tannburstarnir sem voru notaðir um kvöldið til tannþrifa voru hreinir. Addó verður að svara sjálfur þessu með hvað ógeðismaðurinn var að gera. Kínverjar eru orðnir mjög "ameríkaniseraðir" og það má sjá fullt af þekktum keðjum hér um allt. Það er t.d. alltaf troðfullt á KFC og Mcdonald´s. Þetta má einnig sjá á vaxtalagi Kínverja. Það eru sko alveg til feitir Kínverjar! Myndir koma inn bráðlega. Ætla að skella mér í það núna... vonandi er það auðvelt

[Addó og Alda, 8.9.2009 kl. 11:54]

Sæll smári...  og allir hinir Hafið þið hjónin ekkert annað að gera en að finna villur hjá fólki eða???  heheÞú getur lesið þig til um smúla, spúla á vísindavefnum en þar kemur fram að það eru eingöngu sjóarar eða smyglarar sem nota orðið smúla...  veit ekki hvort þú vilt flokka þig  en lætur mig endilega vita ef þú ert með eitthvað gott smygl..  slóðin er: http://visindavefur.hi.is/svar.asp?id=1891 þetta með ógeðsmanninn þá var mín uppástunga að hann hafi troðið lúkuni upp í gegnum nasirnar og náð að hræra eitthvað í hóstakirtlunum og klínt jukkinu  svo undir borð...  Alda vildi meina að hann hefði sprautað einhverju þarna undir borð sitjandi á stólnum...  þú verður að fylla eitthvað inn í þarna sjálfur og reyna að sjá þetta eitthvað fyrir þér...  ég kemst ekki lengra með þessa hugsun sjálfur...  

[Smári (IP-tala skráð) 9.9.2009 kl. 23:02]

Minni bara á það að hún Guðrún Kvaran talar einungis um að orðið "smúla" sé hugsanlega dregið af smygli, hugsanlega með stóru H-i. Vottar fyrir ákv. hroka Guðrúnar í þessari staðhæfingu.

Skv. íslensku orðabókinni þá eru bæði afbrigði viðurkennd. Þetta er farið að lykta af menntahroka hjá Gunnu Kvar...

Svo er líka áhugavert að athuga það hvort það sé til spúll eða smúll, hef aldrei heyrt neinn tala um fyrrnefnda orðið í tengslum við nafnorðsútgáfuna af sögninni! Bara pæling.

ps. Hvenær lýgur Google???