Arnþór Jónsson

30.8.2009 | 13:19

The Great Wall

Í dag var farið snemma á fætur til að fara á The Great Wall of China, vöknuðum 6:30 eftir frekar erfiða nótt, líkaminn ekki alveg á því að fara að sofa kl. 16 að íslenskum tíma en það hafðist þó að lokum. Snorri kom að sjálfsögðu 5 min í brottför og átti þá eftir að borða morgunmat og kaffi og seinkaði því ferðinni um ca 25 mín eða svo. Þegar við komum út í rútuna tók gædinn á móti okkur sem reyndist vera tvítug skvísa í skólabúning og mellusokkum sem náðu rétt uppfyrir hné og pilsið rétt niður fyrir... eitthvað sem ekki er hægt að segja hér því miður... vantaði ekkert nema tíkó og sleikjó til að fullkomna dressið... hún hafði þó ekki alveg leggina til að sýna greyið þar sem þeir voru sundur étnir eftir einhvern pöddu viðbjóð... Seinna um daginn fékk Alda svo að sjá heldur meira en við strákarnir þegar við komum á vegginn þar sem hún var beint fyrir aftan skvísuna í tröppum sem voru nánast 90 gráðu brattar og leit upp til að sjá hvað væri að blokkera sólina fyrir sér og fékk þá að sjá alla dýrðina flaksandi undan pilsinu rétt fyrir framan nefið á sér.... LoL

Við fórum svo að sækja einn snilling í viðbót á annað hostel hérna rétt hjá sem kom frekar sáttur inn í bílinn allur merktur Kanada og spurði okkur hvaðan við værum, Snorri var fljótur að svara honum, from Iceland... Kanadamaðurinn; váááhh Iceland... með bros allan hringinn og sagðist vera frá Kanada... sem hafði þó ekkert farið fram hjá neinum, og Snorri; Vooohh greaaat... eftir smá spjall við Kanadamanninn komst hann að því að Sorri væri að fara í skóla í Qingdao og spurði hann svo; yea great,,, and did you get your parents to visit you..... kom smá þögn meðan allir voru að átta sig á því hvað hann væri að tala um þar til hann leit á Öldu og var þá að meina að hún væri mamma Snorra og ég þá væntanlega pabbi gamli...

Veggurinn var svo klifinn og átti að taka 20 varðturna á 3 tímum en við létum það þó ógert sökum mikills hita og leti, ákváðum því að taka bara einn legg sem var þó mjög góður spotti og óteljandi tröppur að fara upp. Við setjum inn myndir af ferðinni fljótlega. Lítið sást af Kanadamanninum eftir bílferðina nema þegar Snorri gerði sig líklegan til að smella á hann einum í lyftunni upp á vegginn þar sem þeir sátu saman félagarnir í skíðalyftu fyrir framan mig og Öldu, svona til að ná einni góðri mynd af þeim saman.

Eftir góða ferð á vegginn og smá Tshingdao bjór á kaffihúsinu hérna á hostelinu var ákveðið að rölta og fá okkur hina einu sönnu Peking Önd... enda varla neitt annað við hæfi hér í Peking. Okkur var vísað á eðal stað þar sem við fengum okkur þennan fræga rétt, fyrst fengum við skinnið af öndinni sem átti að dýfa aðeins í sykur og var bara helv gott... svo bringan í hvítlauksolíu sem var nú ekki verra, svo restina eins og alvöru peking önd á að vera, getið googlað það ef þið eruð forvitin Smile ... eftir 1 stk önd var ákveðið að fá sér einn rétt í viðbót svona til að smakka en þjónninn fór að sýna okkur eitthvað meira sniðugt á seðlinum og enduðum á 3 réttum í viðbót sem var svona ca 2 réttum of mikið miðað við allt það magn af mat sem búið var að troða í sig. En verð að segja að þetta er líklega besti kínverski staður sem ég hef allavega farið á.

Ætla að láta þetta duga í bili og bið að heilsa, kv Addó

Flokkur: Bloggar | Breytt s.d. kl. 13:23 | Facebook

Athugasemdir

Kínamúrinn er bara eins og Fimmvörðuháls í erfiðleikastigi, skilst manni. Hörku púl.

Æ, greyið Alda að þurfa að sjá svona ófögnuð. Ég gæti trúað að þér hefði ekki leiðst hefðir þú verið í hennar sporum, Addó.

Ég þakka nú bara Guði fyrir að hafa ekki verið með, kanadabúinn hefði haldið að ég væri amma hans Snorra, því það hafa þó nokkrir haldið að ég væri mamma hennar Öldu!!! (For crying out loud, ég er 18 mánuðum yngri!) Maður er lengi að jafna sig á svona mistökum, þið eigið samúð mína alla.

Marta (IP-tala skráð) 30.8.2009 kl. 17:57

Ég ætlaði nú bara ekki að getað hætt að hlæja.

Kv, mamma.

Jóhanna Gunnarsdóttir (IP-tala skráð) 30.8.2009 kl. 23:23

Halló afi og amma! - þessi er nú með þeim betri sem ég hef heyrt. Annðahvort hefur aumingja Kanadamaðurinn gleymt gleraugunum heima, eða þá að þið hafið elst svona ferlega síðan þið komuð til Kína. Eins gott að halda sig frá þessu landi Annars varð ég hálfsvöng við að lesa lýsingarnar af Pekingöndinni; þær hljómuðu mjög girnilega. En hvernig er nammistatusinn þarna? Eru einhverjar sjoppur með almennilegu nammi?